دوام
رئيس قسم في معهد المسرح مطنش بالدوام ومشغول مع واسطاته علشان يفوز بمنصب العمادة لان مستواه عالي في الدراسة مثل ما يقول.. يبه جابل دوامك وطلبتك وايد أحسن!
هواية
ممثلة «هوايتها» الحش بزميلاتها عند المنتجين والمخرجين علشان تتقرب منهم وياخذونها بأعمالهم الياية.. ترى سوالفچ مفضوحة وطيحتچ ياية بالطريج!
مخارج
ممثل «طلته» حلوة بالمسلسلات بس عيبه انه مخارج الحروف عنده اي شي والمصيبة ليما يقوله مخرج عمله اليديد كلامك مو مفهوم يزعل.. ركّز باللي تقوله علشان تنجح!