دراما
قسم الدراما في الإذاعة صايرة حوسة فيه، المخرج يشغل ولده والفنانة تشغل أخوها والكومبارس بطولة وكل واحد يجيب أهله.. كل هذا علشان الفلوس الزايدة، اما الفن فعليه السلام.. ومنا للمسؤولين!
مذيع
چم مذيع توّهم طالعين ومشوارهم الفني ما يتعدى الشهر، رافعين خشومهم على الصحافة ولما تتصل فيهم يقولون لك شكثر مساحة الحوار اللي بتسويه؟ الشرهة مو عليكم.. على اللي يبرزكم!
طرد
ممثلة وصل «غرورها» للتمادي على أوامر مخرج عملها اليديد الشي اللي خلّى المنتج اللي كانت شادة الظهر فيه يطردها من العمل.. تستاهلين وزين يسوون فيچ!