تصوير
ما ندري ليش المنتج عادل المسيليم ما بلّش في تصوير مسلسله «وهج الشموع» اللي احداثه تدور عن مرض الزهايمر خاصة انه التلفزيون عطاه الموافقة كمنتج منفذ لأنه المسلسل مستوفي الشروط.. عسى المانع خير!
شروط
مذيع اشترط انه يشارك في تقديم فقرات مهرجان وطني بمقابل مادي بس الجهة المسؤولة كشتت فيه واستعانت بمذيعين غيره وعطتهم مكافآت مجزية اضعاف اللي طلبه صاحبنا لأنهم وافقوا على المشاركة من غير شروط.. صچ أي شي!
هجوم
ممثلة من غير اي «اسباب» هاجمت زميلة لها بعدما درت انها رايحة حق منتج عملها اليديد وطلبت منه المشاركة في عمله اللي قاعد يصوره هالأيام لأنها حست انها راح تسحب منها الأضواء.. الله يشفي!