هوشة
مخرج ما فادته تجاربه السابقة مع زملائه بالساحة الفنية وشلون يتعامل معاهم هالأيام متهاوش مع منتج عمله اليديد بسبّة ان هالمنتج تدخّل بعملية المونتاج.. شفيها الريال حريص على شغله ليش تهاوشت معاه!
مشاكل
ممثلة «حست» انها انكشفت جدام المنتجين والمخرجين بأنها صاحبة مشاكل والدليل انه محد فيهم طلبها تشتغل معاه حتى لوضيفة شرف.. تستاهلين!
أدوار
ممثل قاعد «يشكي» الحال حق ربعه ان المخرجين حاكرينه بأدوار معينة مع انه عنده قدرات فنية كبيرة مثل ما يقول ويقدر يسوي أي دور.. الحين زين يشغلونك بعد تبي تتشرط!