حلم
مذيعة كان عندها «حلم» بالعودة إلى الإذاعة بس هالحلم ما تحقق بسبّة بعض زميلاتها اللي حفروا لها عند المسؤولين.. الله يعينچ!
مسابقات
مقدمة برامج بعدما صارت ممثلة هالأيام قاعدة «تحن» على مسؤولين في محطة فضائية علشان تقدم برامج المسابقات في شهر رمضان الياي.. صچ أي شي!
صلح
مطرب يبي «يصلح» بين مطربين شباب صايرة بيناتهم هوشة بس هالصلح طلع من چبده بعدما حصّل زفة منهم.. تستاهل ليش راز ويهك!