دور
ممثلة متضايقة حيل لأن الصحافة مو قاعدة تكتب عن دورها في مسلسل رمضاني يعرض حاليا مع ان دورها عادي جدا.. صچ أي شي!
مشغول
ممثل شايف نفسه انه وصل للعالمية طلب من ربعه محد يتصل عليه لأنه مشغول بقراءة عدد من النصوص الدرامية اللي يبي يصورها بعد رمضان والمصيبة انه أكثر واحد ينشتم بالمسلسلات اللي يشارك فيها.. الحمد لله والشكر!
غبقة
مطربة شعرت ان شركات الانتاج طنشتها وما تسأل عنها بعدما تركت الغناء هالأيام تفكر تسوي غبقة علشان تتقرب منهم.. الله يشفي!