إعادة
ما ندري ليش تلفزيون الكويت هالايام قاعد يعيد عرض مسلسلات محلية وعربية قديمة والمصيبة انه مواعيد عرضها في أوقات الذروة.. يمكن ما عندهم ميزانية يشترون يديد!
إنجازات
ممثلة خليجية «حست» انه الصحافة تجاهلتها في رمضان وركزت على بعض زميلاتها اللي شاركوها في عملها الأخير، قاعدة تفكر أنها تسوي مؤتمر صحافي علشان تتحچى عن انجازاتها الرمضانية... الحمد لله والشكر!
حسابات
مطربة بعدما جربت حظها في التمثيل متضايقة لردة فعل المشاهدين على الشخصيات اللي جسدتها هالايام تبي تعيد حساباتها علشان «أملها» في اثبات انها ممثلة ناجحة ما يضيع.. يبه انتي وين والتمثيل وين!