تعبيرا عن حزنه الشديد على رحيل والده الفنان الكبير صلاح السقا، كتب الفنان احمد السقا قصيدة عامية ينعى فيها والده الذي رحل منذ ايام، والقصيدة خص بها أحمد السقا صحيفة «الأهرام» ونشرتها في عددها الصادر السبت الماضي، وتقول كلماتها:
أبويا السقا مات
أبويا السقا راح
كده يبقوا الاهرامات
خوفو وخفرع وبس
معدش فيه صلاح
ما صلاح السقا مات
أبويا السقا مات
في زمان المعيلة
وأيام المريلة
كت لما العيال تغيظني
تقول كل الحاجات
من أول يابن ماما
لأبوك السقا مات
ولقيتني من النهارده
مفضليش إلا ماما
وحزين على السقا مات
من يوم ما قالوا راح
وما فيش أستاذ صلاح
حاسس بضهري ساقع
والأسود لونه فاقع
وأنا واقف ولا واقع
يوم السبت اللي فات
أبويا السقا مات.