شكر
ممثلة خليجية «شكرت» ربها انها ما اشتغلت مع أحد المنتجين اللي كان يحن عليها بعدما شافت معاناة زميلتها معاه لانه رافض يعطيها فلوسها مع ان العمل خلص تصويره من زمان.. برافو!
أوقات
ممثل «ابتلش» بعمره بعدما بلّغ أحد المخرجين انه في قناة عربية تبي تشتغل معاه، صاحبنا المخرج ما صدق خبر كل يوم قاعد يدقدق على هالممثل بأوقات متأخرة.. تستاهل!
تغطية
مقدمة برامج شكلها مو واثقة من نفسها هالأيام قاعدة تمدح الصحافة علشان «تتقرب» منها ويمدحونهــا في تغطياتهم لبرنامجهــا.. الله يشفي!