عبرت الفنانة ميس حمدان في مــدونــــتها علـــى «نـاس- mbc.net» عن سعادتها بالمشاركة في مهرجان دمشق السينمائي الـ 7 وقالت: عشت أيام جميلة أوي في المهرجان ورجعت للقاهرة تاني عشان احتفل بعيد الأضحى هنا وسط أهلي وأصدقائي، كل سنة وأنتم كلكم بخير وطيبين ودايما من نجاح لنجاح، وربنا ما يحرمنيش منكم ومن دعواتكم الجميلة لي.
وأضافت: قابلت نجوم كتير بحبهم أوي في المهرجان زي غادة عادل وسمية الخشاب والفنان حسن يوسف وزوجته القمر الجميلة الحاجة شمس البارودي، وكنت في غاية سعادتي وأنا أجلس معها على ترابيزة واحدة وشاهدت عن قرب أد إيه هي إنسانة جميلة ورقيقة، ربنا يديها طيلة العمر والصحة ويحفظها، أنا سعيدة جدا بوصف التلفزيون السوري لي بفاتنة المهرجان، وأحب أوجه تحياتي وتقديري إليهم.
وتابعت: الأيام دي هعيشها كده بين المهرجانات واستعد آخر الشهر للمشاركة في مهرجان القاهرة السينمائي في دورته الـ 34 وربنا مع د.عزت أبوعوف رئيس المهرجان، وأتمنى أن العمل يخرج بشكل مشرف زي كل سنة. وتابعت: الفترة اللي جاية هرجع تاني أصور مسلسل «أنا والعنيدة» بعد أن انتهينا قبل رمضان من تصوير 6 ساعات إنتاجية وده طبعا بعد فترة توقف استمرت لأكثر من شهرين لظروف إنتاجية، حيث كان من المفترض عرضه خلال رمضان الماضي ونظرا لعدم اللحاق برمضان تقرر إيقاف التصوير ويستأنف هذه الفترة.