بشار جاسم
عندما نسمع احمد الحريبي نقول: «آه يا سلام على الفن» وعندما نجلس مع احمد الحريبي نحس اننا مع شخص نعرفه من زمان ولكن لماذا قالوا انه مغرور وانه راعي مشاكل وانه مو لاقي ولا شركة انتاج تنتج له ألبومه؟ وليش انتج ألبومه الجديد على حسابه الخاص؟ والعديد من التساؤلات التي اجاب عليها احمد الحريبي برحابة صدر.
استقبلنا في منزله بمنطقة الرابية وفتح قلبه وصدره لـ «الأنباء» واجاب في التفاصيل الآتية:
احمد وايد ضعفان.
اي مسوي ريچيم.
چم كيلو ضعفت احمد؟
15كيلو شرايك أحسن؟
اي احسن صغرت 15 سنة.
تسلم.
شنو يديدك؟
قاعد احضر واختار حاليا كلمات وألحان بعض الأغاني.
مع اي شركة؟
على حسابي الخاص.
چم راح يكلفك؟
من 15 ألف دينار لغاية 25 ألف دينار.
الفن يستاهل بنظرك انك تصرف هالمبلغ؟
يستاهل.
لكن احنا بعصر الانترنت والاغاني ببلاش؟
اذا بننظر حق سالفة الانترنت والاغاني ببلاش عيل ما راح نشتغل.
ليش ما تنزل أغاني «سنغل»؟
راح انزل سنغل ليش مستعجل؟
معقولة احمد الحريبي صاحب الصوت الجميل مو لاقي ولا شركة انتاج تنتج له؟
والله عاد اهما حرين.
يقولون انت راعي مشاكل صچ؟
الله يسامحهم وكيفهم.
الله يسامح الجميع بس شنو ردك وليش ما استقريت بشركة انتاج؟
شوف انا اول ما بديت بالفن كنت مع شركة الخيول، وحصلت فيها بعض الامور اللي خلتني انصدم.
مثل شنو؟
يعني تنتج شريط واحد وتفاجئ انك مركون بالدرج.
وچم عقدك كان معاهم؟
خلال سنتين ونص، انهم لازم ينزلون لي 3 ألبومات وما قدرت اروح، اي شركة، ولا حتى انتج على حسابي الا بعد خمس سنوات.
وبعد ما انحلت مشاكلك ارجع واكرر ما في ولا شركة انتاج طلبتك؟
لا، وهذا السؤال اللي يطرح نفسه.
هل أنت محارب؟
والله ما ادري.
تفاصيل الحوار في ملف ( pdf )