خوش:
باركولي شفت اخيرا حبيبة قلبي الفنانة هند البلوشي على الطبيعة في الصالون، مو مصدقة، صچ صچ صچ بقيت استخف، واايد طيبة وحليوة وحبوبة، فديتچ هند والله أموت فيچ، مينونة هند البلوشي.
التعليق: مينونة هند البلوشي اسم الله عليچ من الينون، وان شاء الله يكون وصل اعجابچ للمتميزة هند البلوشي.
موخوش:
اللي قاعد نشوفه في بعض مسرحيات الأطفال (...) كلها استغلال وضحك على هاليهال المساكين، امبيه مو صچ رحت انا وخواتي الصغار عشان نسليهم بالعيد ونونسهم لقيت الصغار متمللين اكثر مني ومطنشين بالمسرحية وطايحيله سوالف، صچ حسافة وين مسرح الطفل قبل اللي من تقعد وتّابع تشوفه الفايدة والمتعة فيه. من برشلونية.
التعليق: عذرا برشلونية حاولت اختصر بالرسالة كثر ماقدر وأرجو عدم ذكر المسرحيات لأن مهما كان يبقى ما يقدم الآن هو جهود من البعض لتقديم شيء لمسرح الطفل، وان كنت اتفق معك بأن مسرح الطفل في الماضي كان أجمل بل لا توجد مقارنة إلا انا نستبشر خير بما يقدم من البعض، تحياتي لتواصلچ.