بشار جاسم
رائد الماجد وفاطمة العبدالله زوجان ومذيعان يقدمان برنامجين على قناة العدالة «مطبخ العدالة» و«فكر واربح» ويبون يمثلون قصة حبهم الحقيقية من خلال عمل درامي، وشنو سر تقليد فاطمة وحبها للمذيعة العالمية باربي وشنو سر صوت رائد اللي خلاه يغني بمقدمة البرنامج؟ هذا وغيره دار من خلال الحوار التالي نصه:
انتو اول زوجين يقدمان برنامج ممكن تتكلمون عن هالبرنامج؟
فاطمة: انا كنت اقدم برنامج «مساء الخير يا كويت» في تلفزيون الكويت مع طلال الماجد وبعدها وقفت لأن تلفزيون الكويت محبط.
شلون محبط؟
فاطمة: محبط لأن ابي واحد يبي برنامج يبيله واسطة ودوخة، وانا ما احب الواسطات وبعدها وقفت وبعدها التقينا بشار عبدالحسين وتبلورت فكرة البرنامج وبنقدمها في قناة العدالة في شهر رمضان.
وشلون تبلورت فكرة البرنامج وتم اختياركم للتقديم؟
فاطمة: انا كنت ادور مذيع اني اقدم معاه برنامج وبعدها قلت ليش مو زوجي يقدم معاي.
رائد: تدربت على الكاميرا وللحين واحنا نصور احس برهبة وبالعكس انا لما اقدم مع زوجتي احس براحة.
تضيف فاطمة: وساعات نكون متناجرين بالبيت ونروح نصور عادي وحتى المخرج عادل عطاالله كان يقول لنا انتو مو صاحيين (تضحك).
انتو تبحثون عن الشهرة؟
فاطمة: ما في احد ما يحب الشهرة بس الشهرة تكون حلوة مو مزعجة.
شنو فكرة برنامجكم؟
فاطمة: اسم البرنامج «مطبخ العدالة» واحاول انا مع الشيف ان نعلم رائد شلون يطبخ، واقصد الرياييل انهم يدشون المطبخ.
رائد: وعندنا بعد برنامج ثان اسمه «فكر واربح» وهم بنقدمه انا وفاطمة بالعدالة.
تفاصيل الحوار في ملف ( pdf )