عبث
ممثلة بعد ما انغرت على زميلاتها هالايام قاعدة تدقدق عليهم علشان تظبط علاقاتها معاهم خصوصا انها ما عندها اعمـــال في الوقـــت الحالي.. الذيب ما يهرول عبث!
تعامل
مدير انتاج تعامله مع بعض الممثلات المشاركات في عمله اليديد غريبة وخصوصا اللي ما تعطيه ويه لأنه يقدر يكنسل دورها مثل ما يقول.. صچ مريض!
ازعاج
مطرب ما «رحم» المسؤولين في شركة انتاجه بعد ما بلغوه انه البومه اليديد راح يتأخر طرحه في الاسواق، صاحبنا ما عجبه هالكلام قام هددهم وازعجهـم باتصالاتــه.. كل تأخيرة فيها خيرة يالحبيب!