بشار جاسم
المذيعة مشاعل الزنكوي او الممثلة مشاعل الزنكوي لديها العديد من المحطات الفنية المهمة في مشوارها الاعلامي، وآخرها برنامج «ترافيك» الذي يعرض على تلفزيون الكويت.
تحدثت الزنكوي بصراحة عن قرار منعها بالتلفزيون وعن عدم تقديمها للفوازير لأنها كويتية، وتفاصيل فنية كثيرة تحدثت فيها بمشاركة زوجها المنتج مصعب الفيلكاوي جاءت خلال الحوار الآتي:
شرايچ نتكلم عن الفيلم؟
انا افضل نتكلم عن الفيلم بعدين مو الحين.
ليش مو الحين؟
انا ما لي شغل، اسأل مصعب زوجي، واهو صاحب الشركة.
شلون يعني مالچ شغل مو انتي بطلة العمل؟
(يتدخل مصعب) شنو بغيت تعرف عن الفيلم؟
وايد صارت عليه انتقادات لأنكم اخترتوا العراقي بشار القيسي للبطولة مع العلم ان الكويت فيها وايد مواهب؟
بشار القيسي كان اسمه مرشحا فقط وكانت نسبة قبوله 10% فقط، ووايد اسماء ترشحت من كل الدول العربية ومو بس الكويت.
ليش مو الكويت؟
لأن اغلبهم في الكويت ومن دون ذكر اسماء قبل يقرون شنو النص، بس اسئلوا چم الاجر.
بس هذا حقهم المادي؟
انا معاك، بس يتكلمون عن الاجر قبل لا يشوفون دورهم، فهذه طامة كبرى.
شرايچ مشاعل نتكلم عن «ترافيك»؟
اوكي قول شعندك؟
صارت انتقادات عليه من المسؤولين في تلفزيون الكويت؟
شوف انا بترافيك مذيعة، ومو مخرجة وسمعت انهم منتقدين الكلام المكتوب باللغة الانجليزية، والمفروض اللي يرد على هالكلام المخرج مو آنا.
تفاصيل الحوار في ملف ( pdf )