Note: English translation is not 100% accurate
حليمة بولند: البنات كلهم يقلدوني حتى اللي ما يحبوني
الثلاثاء
2006/10/3
المصدر : الانباء
حليمة الثانية أبرار:
هاااي يا قلبي؟
هلا أبرااار.
يسموني حليمة الثانية لأنني وايد أقلدچ.
مشكورة يا أبرار وسعيدة ان في بنات يقلدوني ويقلدون حتى كلامي وحتى اللي ما يحبوني يقلدوني واذكر مرة ان د. فوزية الدريع قالت في برنامج «سيرة الحب» ان البنات كلهم صاروا يقلدون حليمة وبالعكس هذا شي يفرحني وحلو ليما الانسان يلقى ناس يقلدونه.
ميتة عليچ وعلى ذوقچ في الملابس وتأثرت فيچ واايد؟
مشكورة حبيبتي على التأثر فيني.
بكل شيء متأثرة فيچ بس في شي واحد.
شنو؟ بدلياتچ!
(تضحك) اي والله هذي مشكلتي الوحيدة وانصحچ بالابتعاد عنها (تضحك).
مو تزعلين ترى أتغشمر؟
لا حبيبتي ماكو زعل واتمنالچ كل توفيق.
علي: ما دور المجاملة في حياتچ؟
أومن بالديبلوماسية واايد لأني ما احب أزعل أحد.
والقراءة؟
شيء مهم في حياتي ومن الأمور المهمة للمذيع انه يقرأ في مختلف جوانب الحياة حتى تكون لديه ثقافة جيدة.
انت حاليا مذيعة في «روتانا» والا في تلفزيون الكويت؟
لا أنا مذيعة في «روتانا» وقدمت العديد من البرامج على شاشتها بس حاليا أقدم «يبيله» في بث مشترك مع التلفزيون و«روتانا خليجية» وسعيدة بالتجربة لأني قاعدة أسوي شي حق ديرتي اللي لا يمكن أنسى فضلها علي ما حييت.
متزوجة سالم: ما في نية تردين للتلفزيون؟
مستعدة لتقديم أي شي لتلفزيون الكويت اللي كان وراء شهرتي ووصولي الى قلوب الناس بس بشرط موافقة المسؤولين في «روتانا» لأنني أعمل تحت مظلتهم ولا يمكن اني أتخطاهم.
نوف: بنات المدرسة وايد معجبين فيچ؟
من ذوقهم يا نوف.
وانا بعد معجبة فيچ وفي طريقتچ بالتقديم؟
مشكورة يا عمري وانتبهي لدراستچ وايد علشان نشوفچ بمنصب كبير.
أنت متزوجة؟
اي الحمد لله وزوجي وايد احبه والله يخليه لي بإذن الله.
ما رأيك في الزواج؟
استقرار وأمان وسعادة خاصة عندما يكون الطرفين متفاهمين.
قدساوية: هلا بالقدساوية والله (تضحك) أنا ذاك اليوم لبست أصفر وقالوا لي إني قدساوية بس أنا أشجع جميع نوادي الكويت وخصوصاً المنتخب الوطني.
أبيچ تلبسين «أصفر» على طول يا حلووومة؟
أخاف يزعلون مني باچي الأندية.
عبداللطيف: انت من المذيعات اللي نفتخر فيها؟
تسلم وهذا من طيب أصلك.
بس أنا زعلان عليچ وعلى الويس؟
ليش أخوي للحين ما دقيتوا علي علشان اشارك في «يبيله»؟
والله مو ذنبنا أخوي الكمبيوتر اهو اللي يختار ورمضان للحين بأوله وإن شاء الله تكون معانا في الحلقات الياية.
أحمد: من أشد المعجبين بأدائچ في البرامج اللي تقدمينها في «روتانا»؟
الله يخليك أخوي وشرايك في «يبيله» والله واايد حلو ومشكلين انت والويس ثنائي ناجح وخطير على الشاشة.
مشكور برشلونية في: أنت مذيعة واايد ناجـحة ولا يهمچ من العذال؟
حبيبتي مشكورة وهذا النجاح اللي انا فيه بفضل الله ثم بفضل محبتكم لي وتشجيعكم وما عندي اي «عقدة» مع اللي ما يحبوني لأني بطبعي احب الجميع.
شعرچ واايد حلو؟
تسلمين يالغالية
يتبع...
اقرأ أيضاً