Note: English translation is not 100% accurate
حليمة بولند: البنات كلهم يقلدوني حتى اللي ما يحبوني
الثلاثاء
2006/10/3
المصدر : الانباء
شنو سر جماله؟
لأني وايد أعتني فيه وأحرص انه يكون جذاب في كل الأوقات.
اي نادي تشجعين؟
برشلونية متعصبة بس احب ديفيد بيكهام وايد مع انه يلعب في ريال مدريد وأموت على لعب وفن رونالدينيو وتوتي (تضحك) شكله اللقاء صار رياضي.
مريم: ممكن ألقبچ؟
تفضلي حياتي انت «كنافة» و«بسبوسة» رمضان ومن غيرچ احنا ما نحس في رمضان وانت «حسناء» الشاشة الخليجية.
تسلمين مراايم على الكلام الحلو؟
مي: هل انت سعيدة بالعودة لتلفزيون الكويت؟
أكيد واايد يكفي اني اكون بين اهلي وناسي سجى:
مشاركتچ في «يبيله» شلون صارت؟ التلفزيون طلبني اني أقدم «يبيله» خاصة وان الشركة الراعية للبرنامج لديها الرغبة في التعاون معي مجدداً بعدما قدمت من قبـل «رن يا جرس».
شنو الفرق بين «رن يا جرس» و«يبيله»؟
ماكو فرق بس «رن يا جرس» كان فيه جمهور و«يبيله» من غير جمهور لأن الاستعدادات كانت مدتها قصيرة جداً وكثر الله خير شركة «كوندور» اللي سوت هالبرنامج بهالفترة البسيطة.
نورا: أعشقچ مووت؟
وأنا بعد رفيجاتي بالمدرسة كلهم حاطين صورچ على كتبهم؟
من ذوقهم وسلميلي عليهم وايد وقوليلهم انتبهوا لدراستكم وايد أحسن.
طرشت «مسچات» وايد للبرنامج بس للحين محد دق علي؟
إن شاء الله الأيام الياية.
سارة: شنو أكتلچ المفضلة؟
تبولة أمووت عليها.
عصيرچ المفضل؟
التوت.
والألوان اللي تفضلينها؟
الأسود والأبيض والأحمر والأصفر.
مع منو تتعاونين في تصميم أزيائچ؟
في الأسبوع الأول من رمضان تعاملت مع المصمم اللبناني لونارد، اما هالأسبوع فمع المصممة الكويتية عواطف الحاي اللي تعجبني وايد تصاميمها العصرية الراقية.
سر الجمال منى، فطوم: شنو سر جمالچ؟
ماكو سر ولاهم يحزنون وجمالي نعمة من رب العالمين.
والدلع اللي فيچ؟
طبيعي ومو تصنع وأنا دلوعة بحياتي وايد، واحب أتدلع على زوجي وأمي وأبوي بس الناس.
يقولون إنچ تتصنعين الدلع؟
خلهم يقولون اللي يقولونه وما راح ازعل ولا أتضايق.
تحبين الشعر؟
جداً ومتذوقة له بشكل لا يوصف ويعجبني شعر الأمير خالد الفيصل والأمير بدر بن عبدالمحسن.
بنت الرشيدي: شلون كانت بدايتچ بالإعلام؟
درست الإعلام في الجامعة والتحقت في التلفزيون اثناء الدراسة بالسنة النهائية وقدمت برنامج «ذي بست» بعدها توالت البرامج.
دلال: هلا بالكيكة والله؟ تسلمين يا عمري... انت كيكة المذيعات ومفتخرين فيچ لأنچ كويتية؟
الله يسلمچ يا دلال وإن شاء الله أكون عند حسن ظنچ.
ناصر: حليمة، مو مفكرة تقدمين برنامج عن الأغاني الأجنبية؟
من عيوني خاصة وانا اميل لها وايد.
غرام حليمة: من كثر حبي لچ سميت نفسي غرام!
يا حياتي والله وان شاء الله اكون غرام جميل لچ.
انـــــت أجــمل مذيعة عــندي يا حلووومة!
من ذوقـچ يا روحــي والــله لا يحرمني منچ ومن كلامچ الحلو وراح اشــــكرچ بالـــبرنــامج يا غروومتي.
برج القوس تحرير، مايا، إيمان: انت من أي برج؟
القوس.
ممكن نعرف رايچ بالأسماء التالية:
حاضر.
يتبع...
اقرأ أيضاً