بشار جاسم
حسن البحراني مذيع شاب كانت بدايته مع محمد المساعيد ونهى نبيل ونورة عبدالله في برنامج «رايكم شباب» على تلفزيون «الراي» وقدم بعدها برنامج «اكاديمية الوطن» على قناة «الوطن» وانسحب منه لعدة اسباب.
حسن رد على اسئلة «الأنباء» برحابة صدر في هذه الدردشة السريعة وإليكم التفاصيل:
حسن شنو اسباب خروجك من برنامج «اكاديمية الوطن»؟
آنا درست بالجامعة 6 سنوات ولما بديت اقدم برنامج بـ «الوطن» مثل «اكاديمية الوطن» حبيت اقدم هالنوعية من البرامج لاشتياقي للجامعة والجو الاكاديمي ولاحظ اني قدمت البرنامج موسم كامل كاعداد وتقديم مع زميلتي دلال ابل لكن ادارة «الوطن» في الموسم اليديد اقترحت ان الاعداد يكون عن طريق الجيل الجديد وأقوم على التقديم وبس فقلت للادارة اني مو قادر اكمل بالبرنامج.
معقولة تترك برنامج علشان تغير الاعداد؟
مو بس الاعداد وآنا بصراحة ما كنت مرتاح بالبرنامج لأني ما بي اطل على المشاهدين وآنا مو مرتاح كلش وقدمته موسم كامل.
طيب شلون تقبل انك تقدم برنامج خاص فيك وتصير بعدها مراسل ومذيع تقارير يعني ما صعدت السلم ونزلت على طول؟
اللي حصل ان ادارة قناة «الوطن» اوعدوني في برنامج جديد لكن في هذه الفترة خصوصا اني متوقف 4 اشهر ما كان فيه برنامج جديد واغلب البرامج ثابتة فعطوني حل اني اختار اي برنامج وانضم له فقعدت افكر شنو البرنامج اللي لما ادخل معاهم فيه راح اضيف له.
بس عفوا انت للحين مذيع شاب وما تمتلك الخبرة انك تضيف لبرنامج، اقصد ان البرنامج اهو اللي يضيف لك.
انا اقصد اني اضيف فقرة او شي معين ولما رشحوني حق «صباح الوطن» حاولت اني اضيف فقرة اسمها «صيفي على كيفي» والفكرة اني اكسر مود الاستديو بالاضافة الى التقارير.
تفاصيل الحوار في ملف ( pdf )