Note: English translation is not 100% accurate
إلهام الفضالة: التاكسي خلاني أمثل أهم دور كوميدي
الاثنين
2007/1/29
المصدر : الانباء
عدد المشاهدات 4015
ومنى چم عمرها؟
16سنة.
لو فكرت انها تدش التمثيل راح توافقين؟
اكيد لأ.
ليش؟
.لان الوسط الفني متعب جدا وما احب لها التعب وخلها بدراستها وايد احسن.
شلونچ مع الشائعات؟
لله الحمد ماكو غير اشاعة وفاتي اكثر من مرة تطلع بعد شهر رمضان كل سنة وخاصة ليما يكون عندي عمل.
ما اثرت عليچ؟
ليما سمعتها اول مرة تأثرت وايد بس بعدين صار الامر عادي عندي.
الهام شنو الشيء اللي يضايقچ في الوسط الفني؟
والله الحمد لله بالنسبة لي كل شي ماشي خاصة ان «سكوب سنتر» معطيني حقي واكثر بس اللي يضايقني ليما اسمع ان فنانة تركض وراء مخرج او منتج علشان يعطيها دور هالشيء وايد ما احب اسمعه لان الفنانة لازم تكون عندها عزة بنفسها خـاصة ليمــا تــــكون فنانة تمــتلك قدرات فنـــية جميلة.
يعني انتي ترفضين هالشيء؟
بكل تأكيد وعمري ما سويتها لانني واثقة من قدراتي.
شلون المسرح معاچ؟
احب مسرح الطفل وايد لان الاطفال يعبرون عن حبهم لك بطريقة عفوية.
ومسرح الكبار؟
اشتغلت فيه وكانت كل المسرحيات اللي قدمتها ناجحة بفضل الله وكان آخرها مسرحية «نيولوك» مع قروب سكوب سنتر.
شلون توفقين بين ارتباطاتچ الفــنية وشـغلك في الصالون؟
الحمد لله اوقاتي مرتبة وبعدين الصالون مچابلته اخت زوجي الله يعطيها العافية.
ليش؟
لاني ما اعرف اتعامل مع الموظفات.
شلون؟
مرات الطيبة والحنية ما تفيد بالشغل وانا من طبعي طيبة وهالشي خلاني بعيدة عن الموظفات واللي تتعامل معاهم اخت زوجي.
شلون عمليات التجميل معاچ؟
ما سويت الا عملية واحدة حق «خشمي» لتعديل عيب فيه وغير هالعملية موناوية اسوي شي.
النيولوك مهم للفنانة؟
وايد لان جمهورها يبيها كل يوم بشكل.
شلون الريجيم معاچ؟
والله قاعدة اتبع نظام غذائي علشان احافظ على وزني وانا من الفنانات اللي يحبون الرياضة وايد.
ما تفكرين تقدمين برنامج تلفزيوني؟
والله هالشيء كان المفروض اسويه برمضان الماضي في محطة الـ lbc عن طريق سكوب سنتر بس الاوضاع اللي صارت في لبنان اجلت هالفكرة.
شنو كان البرنامج اللي كنتي راح تقدمينه؟
برنامج مسابقات.
وشلون لقيتي التقديم في برنامج «يبيله» الرمضاني؟
كنت وايد مبسوطة مع ان الامر صار بسرعة بس الحمد لله قدرت اسوي شي بفضل الله ومن ثم الاعلامي محمد الويس والقائمين على البرنامج.
الصفحة الفنية في ملف ( pdf )
اقرأ أيضاً