رفيج، اخو دنيا، صاحب، فزاع، ناصح، بركه معرفته، وليه عرفته لازم يكون بركات.
مثقف.. متكلم.. للاعلام عارف.. ومن كثر ثقافته اهو بو العروف كله.
الاعلام بالنسبه له دم.. واهو بالنسبه للأعلام شريان.
الارتجال، نعم الارتجال صفة فيه من چذيه صار ملك للتحدث والارتجال.
اهو الأمان ليه كان على الهوا.. من چذيه ليه شفته قلت اهو صمام الأمان.
اهو اكثر اهو اكثر اهو القلب كله وكلنا له قلب.
اهو البحرو كل امواجه تهابه.. ومن كثر ما موج الغيره هاج من نجاحه من چذيه صار اهو البحر والموج صار له عنوان.
يقولون ان الريح دايما يهزم البحر إلا اهو كل مره نشوفه يهزم الكل ليه صار على الهوا.
يا خوي.. يا صاحب.... يا كلي.. يا جمال الصحبة يا أغلى شي في عمري كله.
لا تقول الآه.. ولا على الجرح تكابر.. مرض الجسم يا خوي عادي.. وانتي تدري ان الاكبر ليه صار المرض بالنفس.
واحد يقول ياخوي تبي تعرف غلاتي؟
حبيبه قال اشلون يا اعز ربعي وناسي؟
قاله وبصوت جريح ليه حاشني مرض يشل كل تحركاتي!
اقوله واحجي له واسولف له وانا اللي ذابحني عوار في داخل قلب.
يا خيي انت الغالي.. انت العزيز.. انت الرفيج.. وانت سلوتي ليه جتني ضيقة الصدر.
اااااااااه وألف اااااااااااه.
ااااااااااه وستين ألف اااااااااخ.
اااااااااااااه ومليووووووون ألف اااااااااه.
على العين يابركات اللي ما صلت على النبي .
رسالة لكل من يعرف بركات
حبيبي وحبيبكم حيل تعبان
اخوي واخوكم من سرير المرض زهقان
ومن الغلقه زاد بأخونا فيه العوار
مايبي شي مني ومنكم
منو فيكم امس واليوم راحله وذمتكم؟
والله ما يبي شي مني ومنكم عسى الله يشافيه
ولهله يخليه
بس زيارته واجبة علينا كلنا
يله يالربع لازم كل يوم واحد في المستشفى يكون حواليه
- الاسم: بركات الوقيان.
- العمر: العمر كله ان شاء الله.
- المهنة: اعلامي محترف في حب اهل الكويت.
- العنوان: المستشفى الصدري الدور الثاني الجناح الثاني غرفة 15.
- المرسل: صديق يحب بركات وبركات بدوره يحب كل أهل الكويت.
أخوكم: سعود ناصر الورع