سكرتيرة
الممثلة التي كانت «حفافة» في الصالونات النسائية هالأيام حاطتلها «سكرتيرة» قاعدة ترد على الناس لأنه مستواها «عالي» ولازم يكون عندها برستيچ مثل ما تقول.. الله يشفي!
تطنيش
ممثلة توها «تذكرت» انها تتصل على احد المنتجين بعد ما كانت مطنشته طول الفترة الماضية لأنها درت انه عنده عمل يديد راح يصوره هالأيام.. الحمد لله والشكر!
شهرة
ممثل شاب «شعبيته» انطفت بين المخرجين بسبّة تطلعاته الفنية فمره يبي يكون ممثل ومرة يبي يصير مطرب مع انه حقق شهرة عالية في الاعمال الدرامية.. صاحب البالين چذاب يالحبيب!