نشبت مشادة كلامية بين “جنجاه عبدالمنعم”، شقيقة الفنانة الراحلة سعاد حسني، والراقصة برديس، صاحبة كليب “ياواد يا تقيل”، حيث هاجمت جنجاه خلال مداخلة هاتفية مع الإعلامي وائل الإبراشى فى برنامج “العاشرة مساءً” المذاع على فضائية “دريم” برديس قائلة “ده مش فن ده جنس مباشر.. وأنا ممكن أسجنك”.
وردت عليها برديس منفعلة “مش هقبل اسمع كلامك ده، أنا وقفت الكليب احترامًا ليكى وأعتذرتلك، ومتقدريش تسجنينى عشان أنا وقفت الكليب بعد عرضه بـ 3 أيام”.
وقالت “عبدالمنعم” “المفروض ما تتكلميش خالص، ملكيش دعوة بالفنانين الكبار زى سعاد حسنى، مين أنتى عشان تقارنى نفسك بسعاد، وانتى اعتذرتى بعد ما عملتى الإسفاف الكبير ده، أنتى ما بتحترميش حد ومش بتحترمى نفسك عشان تحترمى الآخرين”، وأضافت “المصنفات لازم تمنع الحاجات اللى بتحصل دى ده مسخرة وايحاءات مش فن”.