ممثل شاب مو عارف وين الله قاطه كل يوم عنده مشاكل مع فريق عمله بسبة نفسيته الشينة وشكله يبي يهد هالشغلة لأنه ما فيها تقدير مثل ما يقول..الشرهة مو عليك!
حواري
مقدمة برامج ابتعدت عن الشاشة والحين تنتظر الفرج من المسؤولين في التلفزيون علشان يعطونها برنامج حواري في دورة برامج الأعياد الوطنية.. خير ان شاء الله!
تقليص
ممثلة خليجية ابتلشت بأحد المنتجين اللي يبيها تقلص من أجرها بعدما وقعت معاه لمسرحيته الكوميدية اليديدة بسبة انه يديد في عالم الإنتاج مثل ما يقول..
دام چذي انسحبي!