غازي مشعل العتيبي
تمونين ... يا دمعة فـــراقه على الملــوآح
مع كــل فجّة ضو تشرق على نــــآري .. !
على سكّة المسفآر .. كيف أنوي المروآح ؟
وأنا فالدروب اللي بها يسرح السآري .. !
رويت الفراق ........ و خفت ! من بارقه لا , لاح
أخاف البروق ... و طامع برحمة البــــآري ..
خذاك الهجر يالمآطر العـآطر الفــــوآح
وأنا ما خذاني غير شوقي و تذكــــآري ..
مع كل رايح .. قلت له وين ؟؟؟ قال أرواح
أدوّر على النسيان واشغل بك أفكآري ..
وأسولف مع اللي يعرفونك عساي أرتاح
وعسى في سوآلفهم يجيبون لك طــآري .. !
وأعد القصايد ليت كلٍ ليا من راح
يغني عليك أبياتي وترجع إجبــآري .. !
وإذا طرّوآ إسمك ينقطع بيدي المسباح !
وأنا داري إن الكل عن ما جرا داري ..
يِهّبَ الحَنينَ ! و ينكشف شوقي الفضاح ..
وتمر السنين ... و يقطع العمر مشوآري .. !
لو أعاتبك .. عاتبت قلبي بعد ما طاح :
بحبك .. وأنا اللي فالهوا بحمل أوزاري .. !
عليك ألف بسمه رآضيه يا أسعد الأفراح .....
وعليك ألف كلمة ود من دفتر أشعــآري .. !
بكيتك / وأنا ماني على من هجَر نوّاح .. !
وفضحت المدامع فيك .. لو طاح مقـــدآري .. !
يكفّيني ...... إنّك من بعد هجرنا مرتـــآح
ولو كان ما تنشد بعدْها عن أخبـــآري .. !