طالب الإعلامي المصري تامر أمين، وزير الداخلية المصري ، التعامل بكل حزم مع الإرهابيين، والتخلي عن أسلوب "الطبطبة" – على حد تعبيره، الذي يستخدمه رجال الشرطة هذه الأيام، كما طالبه بالتصرف مثل سابقه اللواء أحمد زكي بدر.
وقال أمين، خلال حلقة أمس من برنامجه "من الآخر"، المذاع عبر فضائية "روتانا مصرية": "إحنا عايزين داخلية تبقى أسود من أسود الله، حالة الطبطبة، والداخلية الناعمة مش هتنفع، والخوف من النشطاء والخوف من الحقوقيين، لا نتكلم فيه بعدين لما يجيلها وقتها".
وتابع أمين: "في وطن مستهدف ما أسمعش كلمة عن حقوق الإنسان، أنا فاكر زمان كان في وزير داخلية اسمه زكي بدر، كانوا بيسموه السفاح والجزار، حد فاكر الراجل ده ؟"
واستطرد: "أنا كنت فاكر موقف لزكي بدر كان مدير أمن القاهرة كان داخل عليه بيقول له في حملة نازلة تجيب واحد إرهابي في الدرب الأحمر وهيبقى في مكتبك بالليل، فرد عليه وزير الداخلية قائلًا:" وتجيبوه ليه خلّصوا على أمه هناك".
ووجّه أمين حديثه لوزارة الداخلية: "أنا مش عايزكم تكونوا كده بالظبط، بس تكونوا كده".