بدر المحيني
bader_almhaini@
أحبك من زمان التضحية والخوف
ولا لي غير وجهك والهوى غلاب
أحبك كل أبوي.. اعمل معي معروف
تراه يبين الصادق من الكذاب
تراك انت الوحيد بفرحتي مكلوف
تراك انت الحبيب ولا سواك احباب
اطوف بالسنين وعيت انها تطوف
صورك اللي مابين العين والاهداب
ترا قدامي ظروف، ووراي ظروف
تعبت من الوقوف.. وطقة الابواب
ترا هذا انا وانت تعرف وتشوف
انا اللي مستحيل يطق بيده باب
كتبت حروف ولا ما كتبت حروف
فتحت كتاب ولا ما فتحت كتاب
بغيت تروف ولا مابغيت تروف
نويت غياب ولا ما نويت غياب
فركت كفوف ولا ما فركت كفوف
بديت عتاب ولا ما بديت عتاب
انا والله ما بيدك علي حلوف
ولكني متيم بك ورمحك صاب
احس من الغرام بداخلي عاصوف
وانا واقف ولاني حاس باستغراب
اكابر ولا انا.. يالوف قلبي لوف
لياهب الهوئ جاب الهوى ماجاب