Note: English translation is not 100% accurate
شاهد ما شفش حاجة
الأربعاء
2007/1/24
المصدر : الانباء
نجاح في عملية تلخيص الموضوع
حدث خطأ، الرجاء اعادة المحاولة
لا يوجد نتائج في عملية تلخيص الموضوع
بقلم : صالح الشايجي
صالح الشايجي
عادل امام يعلق على مباريات منتخبنا الوطني (الازرق) في «خليجي 18» :
هوه ازرق.. بس مش ازرق قوي.. يعني كده.. ازرق واخد على رمادي.. يعني مش رمادي قوي.. رمادي واخد على بمبي.. يعني مش بمبي قوي.. بس واخد على شوية تركواز!
يعني حاجة كده خلطبيطة.. ازرق على رمادي على بمبي على سماوي، حالة ما يعلم بيها الا ربنا!
حاجة كده سايحة.. عمال على بطال.. ولاد بتجري، انا مش عارف همه بيجروا ليه.. مش عارف همه بيجروا خايفين من حاجة.. والاّ حد لاحقهم.. مش عارف ايه الحكاية؟!
آه.. دول باين بيلعبوا كورة.. بس يا عيني همه مش لاقيين كورة يلعبوا بيها.. انا شايف كورة بالملعب بس همه يا عيني عليهم مش قادرين يوصلولها.. ليه يا ترى؟!
فيه واحد غلبان.. يا عيني عليه سايبينه لوحده.. واقف كده وسط حاجة شبك فوق وشبك على الجانبين وشبك ورا وحاطط في ايده «جوانتي» وطويل بسم الله ما شاء الله وبينط.. آه باين ده حارس مرمى. يا خسارة.. جه جون في الازرق على رمادي على بمبي الخ.
باين الولاد واكلين حاجة كده اسمها «الباچة» يعني زي «الكوارع» عندنا بمصر.. باين الولاد جايين على طول من «المسمط» للملعب.. عشان كده همه تقال مش قادرين يتحركوا.
معليش يا ولاد.. خليجي 18.. زي 17.. زي 16، كله ماشي.. معليش مش المهم اللعب الكويس.. ولا الفوز.. ولا الاجوان ـ الاهداف ـ المهم ان «الاتحاد» يبقى كسبان ويسافر ويرجع بطيارات خاصة.
انتو متضايقين ليه يا جماعة.. كلنا اخوات وحبايب.. مش المهم نكسب مباراة.. المهم.. اسقاط القروض!
اقرأ أيضاً