بنقولكم سالفة للسامعين كافه
أحلى السوالف
تعالوا سمعوها وأمانة حفظوها
لحد يخالف
في عندنا إسديرة اسمها أم الخير
والمولى من خيره عطاها كل الخير
من خيرها علينا في ظلها ربينا
في نعمة الأمان
نسقيها المحبة على طول الزمان
هذي أغنية وطنية كني نتغنى فيها
ومن حبه للكويت يوسف ناصر كتبها
السالفة أول كانت تجمعنا
السالفة أول كانت تقوينا
السالفة أول كانت توحدنا
السالفة أول كانت تعقلنا
السالفة أول كانت تسعدنا
السالفة أول كانت أحلى ماضينا
شنو تغير.. شنو صار.. شنوا اللي جرا
بكل بساطة
السالفة اليوم للأسف تفرقنا
السالفة اليوم للأسف تضعفنا
السالفة اليوم للأسف تشتتنا
السالفة اليوم للأسف تجننا
السالفة اليوم للأسف تبجينا
السالفة اليوم يهلي ويا عزوتي للمستقبل ما تطمنا
ما قول إلا عسى ربي ياخذج
يالجيكرة يالهيلقية يالسوسة يا منحوسة يا أم السحورة
يا هيسة يا نسرة يا قصيرة يالمدربحة
والمصيبة بكل جكرها لقتلها واحد يحبها
وبكل قوة يدعمها
بالمال وبكل شي يخطر على البال
وفوق هذا قرر انه يتزوجها
معقولة! الله يهني سعيد بسعيدة
من صجك يا فلان انتبه هذي تراها حيل رديه
اهي اهي ما تكون اللي اهي
«فتنة» الجيكرة
رسالة لمسلم البراك
بوحمود يالحبيب.. يالعضيد.. يا صوت الأم والأخو
والرفيج.. انت اللي قدرك عالي.. انت اللي ديوان أهلك من الناس ما هو خالي
يا مسلم ترى أهل الكويت معـاك ولمواقفك لا يمكن انها تنساك
وودي أكملك أغنية بقولكم سالفة علشان يوصل للكل مسج سدرتنا:
كل يوم عن يوم تعلي وتكبر
والخير كل يوم يزيد ويكثر
لو بالعمر نفديها ما نطلع من جزاها
ربي لنا يخليها ويزيد لنا ذراها
اهي الكويت يا بــــوحمود كلنا أمس واليوم وباجر تحت ذراها
من جذيه يا ضمير الأمة سالفتنا إن شاالله ما هي خربانة
[email protected]