علي لسان الصبي
يالكلام....
يالكلام كنت أشوفك
كنت أشوفك... ما أسمعك
ترمي الكلمة.../ أصابع
وتحظن الكلمة.../ أصابع
والمدامع....
حاير فيها حكي
آه...
آه يا كثر...../ الحكي
مزدحم في وسط عيني
قيد الكلمة.... بشفاتي
أبجدياتي
أبسط الاشيا..../ بحياتي
كلها كانت.. تخون
صدقيني...
صدقيني أختنق
كل (وردة) في خفوقي تحترق
كل/ حرف
وكل/ كلمة
ودي تطلع!
تكسر (الصد) الحقير
ثم/.. تطير
ثم../ تطير
ماني قادر
أثخنت صدري الجراح
اتزاحم دون جدوى
دون ما تهمس شفاتي بأي كلمة
مسرحية صامتة...
استلجت وسط صدري
استباحت../ كل أطرافي وسيلة
للإشارة....
صدقيني....
كل ما ألمح عيونك/ ودي أبكي
مااااني قادر/ صدقيني حى أبكي
ودي أشرب.../ كل صوتك
كل حنينك
مااااااني قادر
صدقيني.../ كنت ودي!
وكل ماحولي فراغ
لا..../ موسيقا
لا...../ ضجيج
ولا (هتافات حقيرة.. من سخافات) البشر
صدقيني....
ماني قادر أفهمك
اتركيني....
أبقى... وحدي
اتركيني...../ للجراح
وانسي.. (طفل) مر عابر
وانتي وحـــــدك/ تندهينه
ما إلتفت لك....
لأنه عاجز... يسمعك!
وعاجز... إنـــــك تسمعينه
بدر الفرحان