حبيبتي كانك الما.. قلت كلي ظما
وإن صرتي انتي ظما.. أصير أنا سلسبيل
من قال بس إن زينك فيه كن وكما
ياروحي انتي مثال لشي ماله مثيل
عبدالمحسن بن سعيد
تمايلي.. ياحلوتي.. ينعنبيش
في ذمتي انش تفرقين بزياده
والله ولو دونش طوابير لأجيش
يانوم عين متيمش.. يارقاده
دنيا بدونش في عيوني ضنك عيش
والله.. ما تسوى جناح الجراده
محمد الدحيمي
كل شي بكاني من غيابك إلى اللحين!
.. حتى عدوي .. من غيابك.. بكاني
ما عاد تفرق جرح واحد .. وجرحين!
.. الموت واحد.. له عذابك.. خذاني
يا صاحبي.. يكفي غيابك.. وبعدين ؟!
.. ماخفت ربك بس.. «أنت وزماني»؟
بركات الشمري