إبراهيم الخطيمي
ابراهيم الخطيمي من الشعراء المخلصين لواحة «الأنباء» متواصل ـ ولازال ـ معنا هذا الخلوق ليتحفنا بالاحساس وهذا النص الباذخ الذي أخذنا معه لعالم الروعة، لن نكتب كثيرا من المقدمات فهو يسحق أكثر من ذلك
ضاق الصدر والصوت له حس مخنوق
به اكتم العبرات دمعي سكاتي
مدري بكيتك..؟ ايه ياعز مخلوق
ألا بكيتك في غيابك شتاتي
اجمع سواليفك على قلب محروق
واذكر بها روحاتنا يا غناتي
اكبر همومي لين يطري من الشوق
شي بسيط مالها اي صفاتي
كيف الغياب..؟ اللي خذا فيه معشوق
اكبر غلا لك الغلا يا حياتي
الطيب من فعله تعابير وشروق
غيم ومطر برده برجفة شفاتي
مثله نجر كني انا فيه مدقوق
ينفخ بصور وخافقي به مماتي
يا صاحبي ضاقت ولا فيه صندوق
حظي واعرفه زين يجهل مناتي