غناء.. بصوت صاخب.. شجي، الشاعر حمدان الديحاني.. يقول هنا: أغير.. وأحن له.. طيب وبعدين؟ ما حركه دمع عيني.. يوم أهله وكعادته.. حمدان.. صاحب مساحات مخضوضرة... شعرية... يكتب ما تريد الذوائق سماعه.. ويطرب.. الحواس..
أكبر خطا.. ما على الصده قوانين
وبعض الهجر مشكلة.. والصبر حله
إللي يحبون بالدنيا... كثيرين
واللي يعرفون معنى الحب.. قله
واللي سواتي... عسى ما جرب البين
ما فيه درب لـ حبيبه.. ما يدله
ما طيق غيبته.. لو يغيب يومين
وشلون أجل.. لو يغيب العمر كله
أوفى له من الدموع.. لـ قرة العين
واصدق له من الخليل.. إن ضاق خله
وفيت.. لكن رده يالوفى.. وين؟
ما شفت غير التهاون.. والمذله
عساه لا طاح بكره.. ماله يدين
حتى ثيابه من الضيقه.. تمله
أغير.. وأحن له.. طيب وبعدين؟
ما حركه دمع عيني.. يوم أهله
يا ليتها (زله) وعديتها... لين
لا من تذكرتها ب اقول.. (زله)
يا قلبي.. اتذكر إن المسأله.. دين
مادام حبيته وخلاك... خله
وياروحي إنسي.. وخلي الطيب؟ بعدين
أحيانا الطيب... ما هو في محله
حمدان الديحاني