بندر بن محيا شاعر الإبداع وفيلسوف الشعر يحضر هنا بكل بهائه بهذا النص الرائع.
له فلسفة خاصة وهو رمز من رموز الشعر يتحفنا حين يكتب للحبيبة .
ويكتب للعيون لتقرأ القلوب كي تذهب بنا بعيدا الى عالم الإبداع.
اخرج من القلب وارجع لي بعد بكرة
الـيوم مـاني فــ حـاجة شوفة عيونك
خذ معك نبض الحنين ودمعه وسكره
وشـي يشـابـه جـنون يشبه جـنـونك
يومـين تكــفي حــزين القـلب تفتكره
مـن بـعدهـا ارجع لو انك ترجع بدونك
ياللـي غـيابك عـن الغــيّـاب تحـتـكره
أنــا لــو انـــي نسيـتـك كـني آخـونك
بـديت اخـافك يامستهـتر عـلى فكرة:
غيري محبين مـن رمـشك يـخافـونك
مـن يـوم حبيـتك أكـثر عــاجز لا اكـره
والكره من (حب) لاابطى جاب مكنونك
و النادر اللي يذوق السجن في وكره
حريته معك لو ماهوب مسجونك
لاتشكر اللي يقدم للولي شكره
مااخترت احبك.. عشان تقول مجنونك
غب من حناياي وارجع لي بـعد بـكرة
اليوم ابا اكتب قصيدة حب فـ عـيونك
بندر بن محيا
صفحة الواحة في ملف ( pdf )