الرائع فهد المساعد ونص شعري نقطفه لكم من بستانه الشعري المليء بالروائع والجمال...
المساعد شاعر عذب من الطراز النادر، رغم غياباته المتكررة إلا انه يمتلك جماهيرية عريضة في الساحة الشعبية...
المساعد عند قراءته لا نقول سوى «مازالت القصائد بخير»، نص شعري رائع تابعوه:
جف الكلام ومدت يدينها فوق
اخترت هذي.. وانت شف لك سحابه
قلت.. ويـديني تحتضنها مـثـل طــوق
اخـترت هــذي هــذي اكــثر رحـــابـه
هـذي دفـا صـوت مـن الــبرد مـخـنوق
هــذي ســؤال نصف عـمـري جــوابـه
هذي هي اللي عرفتني على الشوق
هذي قـدر.. مـا كـنـت حـاسب حسابـه
قطعة حـزن في جـيب بالي ومشقوق
ومضة فـرح فـي عـيـون نــاس غـلابـة
ان سولفت فــي ثـغـرهـا لمـعـة بـروق
وان سـرحـت فـي عيونها صمت غـابـة
والـيـا اضحكت نـور مـن الفجر مسروق
والــيـا بــكـت تــحـزن علـيـهـا الـكـآبـه
حـبـي لـهـا لـو أدري ان فـيـه مخـلوق
قـد حـب مـثـله.. قـلـت: «يـا للغرابة»
هالآدمي من وين لـه قلـب وعـروق؟
والصبر هالمسكين مـن ويـن جـابه؟
وأنــا أتـكـلم.. ردت عـيـونـهـا فـــوق
ثم تمتمت: من هي هالأكثر رحابه؟
قلت ويديني تحتضنها مـثـل طـوق
في ذمتي ما شفت غيرك سحابه
فهد المساعد
صفحة الواحة في ملف ( pdf )