حزم الشنط
زهقت من حزم الشنط.. والمطارات
أقول خيره، بس ما شفت خيره
أقول: راح الضيق، واثره هو الآت
واشد، في حبل السنين القصيره!
بنيت من فكري، لفكري.. قناعات
ولا لقيت لجملة الناس سيره
مرات، احسّ اني مناضل! ومرات
احس باني ما تعديت ديره!
أنا أحبك
(الغلا، والكره) هذي بيد ربك
وما يبين الحب، إلا بالتعامل
ما أجامل، لو أقول: أنا احبك
لو ب/اجامل.. مو على نفسي اجامل!
آخر الحلقة
لا تنخدع فالبشر/ويتوه تفكيرك
وعلى سنين الفراق يبان تعبيرك!
هذا هو اللي يصير بآخر الحلقه!
اللي تحبه/يروح.. وياخذه غيرك
حمدان الديحاني