الشاعر عبداللطيف ظاهر شاعر غائب عن الاعلام لرفضه الظهور المستمر في وسائل الاعلام ولكن اذا حضر احضر الشعر/ الاحساس معه شاعر يعد صاحب تجربة ومن الاسماء التي تفردت بالساحة الشعبية نتمنى التواصل معه عبر واحتكم.
واقلبي اللي جرحته الأماني
واجفني اللي كل مابات مابات
الحب ماله قيمة ولا معاني
وأصبحت أعايش غربة بداخل الذات
أنا ضحية للوفاء..يا زماني
في وقت صار الحب كله تفاهات
في وقت فيه الصدق ماله مواني
والمصلحة صارت تحكم العلاقات
ويا صاحبي اللي باعني ما شراني
وكتب على أكبر أحلامي نهايات
خذلتني..دمرت بايدك كياني
جرحتني..جازيت حبي بطعنات
هدمت آمالي وما كنت باني
ويا ليتها ماجت منك أنت بالذات
كلن خذا مني ومحدن عطاني
وكم غلطتن صلحتها بعشر غلطات
طول العمر مجني ولا كنت جاني
مبداي كله هاك..ماقلت لك هات
وياصاحبي اللي باعني ما شراني
وكتب على أجمل أحلامي نهايات
لا تشتكي وتقول انك تعاني
أنا حياتي..كلبوها معاناة
عبداللطيف ظاهر