ما يزيد المال من ينقص شرف
وما يعلي كرسي من طبعه وضيع
وما ينول المجد من عزمه وقف
واللي يجهل موقعه لا شك يضيع
هذي الدنيا ترى دين وسلف
وكثر ما نحيا بها تمضي سريع
بين حلو ومر.. ليالينا تلف
ومن يقدم خير.. يلقاله شفيع
وكل ملفت.. يلفت انه مختلف
عارف دربه.. ولا يتبع قطيع
وافي بوعوده.. ولو غيره خلف
الرفيع.. ابعزته.. دايم رفيع
وإن خطيت بيوم.. قر واعترف
منهو ما يخطي في هالكون الوسيع؟
الكبير اللي يبادر.. بالأسف
يغفر الزلة.. لو انه يستطيع
وان هويت بيوم والخافق رجف
مثل نسمة حركت ورد الربيع
اغتنم وقتك.. ولا تنطر صدف
اشتر الغالي.. وبيع اللي يبيع
اسقي أرضك ود.. ومد للصبر كف
ولا اتكلف يوم على نفسك صنيع
قبل وقته الثمر يتلف لانقطف
ودوم بعد العاصفة.. صبح بديع
ان كسبت بيوم.. اكسب بشرف
واترك الوضع المزيف للوضيع
[email protected]