القاهرة - محمد صلاح
وصفت الفنانة نيللي كريم، كل الأخبار المتداولة عن مشاركتها الأخيرة في مهرجان أيام قرطاج السينمائية بالشائعات، وقالت إنها فوجئت بمعلومات مغلوطة يتم تداولها عن رفضها إلقاء كلمة أثناء تكريمها وتجاهلها عقد ندوة المكرمين وعودتها سريعا إلى مصر، وأشارت إلى أنها كانت ستتجاهل كل هذا ولكنها قررت الرد بعد تداول مقطع فيديو لها يظهر زوجها وهو ينهر معجبيها ويرفض التصوير معهم.
وقالت نيللي، في مداخلتها الهاتفية مع الإعلامي شريف عامر، في برنامجه «يحدث في مصر»: «أنا من الناس اللي لما حد يجي يتصور معايا من أكبر واحد لأصغر واحد، عمري ما بقول لأ، بس لما خلص المهرجان وخرجنا كلنا، في هجوم حصل عليا، وأنا كنت لابسة فستان طويل وناس داست عليه، والفستان اتقطع، وفي حد زقني عشان يتصور معايا، وإحنا خارجين من القاعة مكنش في رجال حراسات معايا وزوجي كان بيحميني، أنا فعلا خرجت من القاعة عايزة أركب العربية وأروح الأوتيل، اعتراض زوجي كان على الهرجلة مش الجمهور».
وأوضحت نيللي، حقيقة ما يتم تداوله من أخبار سلبية عن كواليس تكريمها في قرطاج قائلة: «دي كلها شائعات، أنا طلعت على المسرح سلمت واستلمت الجائزة، ولم يطلب أحد مني أن أقول كلمة، وأنا شخصية خجولة، يعني لو أنا في مهرجان القاهرة كان كلهم صحابي، لكن أنا نزلت من على المسرح ولقيت أستاذ صادق الصباح المنتج اتكرم ومقالش كلمة ونزل من المسرح، أنا فضلت مذهولة من الكلام اللي بيتقال محصلش خالص».