Note: English translation is not 100% accurate
رسائل العيد بدون مبارك وجمال ونظيف والشريف.. ومسابقة لرسم الرئيس السابق في قفص الاتهام
31 أغسطس 2011
المصدر : الأنباء
انتشرت رسائل للمحمول يتبادل فيها المصريون التهنئة بعيد الفطر وهو أول عيد بدون الرئيس المخلوع ومعظم رموز نظامه الفاسد ليكون العيد «السنة دي» بطعم الثورة ومن هذه الرسائل:
٭ من النهاردة مفيش عيد مبارك العيد بقي سعيد ولو مش مصدق روح طره لاند وكل كعك مع الفاسدين.
٭ لأول مرة من 30 سنة العيد مبارك من غير مبارك.. عيد جنان من غير سوزان.. عيد حلال من غير جمال.. ونعيش سعداء من غير علاء.. نأكل بط ووز من غير أحمد عز.. ناكل أكل خفيف من غير نظيف.. نشرب اللي نحبه من المشاريب من غير غالي ولا حبيب.. كل سنة وانتم طيبين.
٭ العيد السنة دي غير كل الأعياد.. وبلدنا اتطهرت من الظلم والفساد.. مصر أحلى من غير مبارك وسوزان والأولاد.
٭ قبل ما تشارك في مليونية.. وتطالب بالطلبات اللي هيه.. محتاج منك حاجة صغيرة ليه.. انك تسمع مني الكلمة دي.. كل سنة وانت طيب وفي قلبي وعنيه.
٭ الشعب يريد.. كعك العيد.. من عندكم هدية.. وكل سنة وانتم طيبين.
٭ فاضل يومين ع العيد.. وكلنا بنهتف الشعب يريد.. العيدية من البنكنوت الجديد.. عشان نخرج في مليونية نقولك كل سنة وانت طيب وعيدك سعيد.
٭ أحلى ما في العيد العيدية.. والأحلى انها تكون منك هدية.. والا ها نجيلك بمليونية.. فيها قلبي وروحي وعنيه.. نهتف ونقولك عيدك سعيد. كما ضمت الرسائل مجموعة أخرى من الرسائل العادية اللطيفة والرومانسية، منها:
٭ عزيزي مستلم الرسالة.. نهنئكم بالعيد السعيد.. ونذكركم بموعد استحمامكم السنوي.
٭ ممكن تزورونا.. محتاجينك ضروري.. عاملين كعك العيد.. وماعندناش سكر.. عيد سعيد.
٭ أقدم لك هدية.. ياريت تعتبرها عيدية.. روحي وقلبي وباقة ورد.. وبوسة على أحلى خد.. كل سنة وانت طيب.
٭ مش بقول عيد سعيد لكني بقول انت السعادة لكل عيد.
٭ ما تفتكرش ان ده صوت موبايلك يقولك جاتلك رسالة ده صوت قلبي بيقول لك كل سنة وانت طيب.
٭ أستقبل العيدية على حساب 123456789000000000.. عزبة النخل.. مش هاقبل أقل من 50 بلحة.
٭ صحة حديد.. عمر مديد.. فلوس تبديد.. قسط تسديد.. يهود تشريد.. مراتب تنجيد.. عيد سعيد.
مسابقة لرسم مبارك في قفص الاتهام
من جهة أخرى دشن مجموعة من الشباب التشكيليين مسابقة لرسم لوحة للرئيس السابق حسني مبارك في قفص الاتهام تعبر عن فرحة الشعب بمحاكمته وخلعه من الحكم، ورؤية الرسام للمحاكمة ومدى رضاه عن مجرياتها، واشار منظمو المسابقة الى انه سيسمح للمتعاطفين مع مبارك ومؤيديه ايضا بالاشتراك في المسابقة التي ترعاها سوق القاهرة للفن المعاصر.
وحسب صحيفة «الاهرام» التي اوردت النبأ فسيتم اختيار افضل اللوحات من خلال رأي الجمهور المترددين على السوق، وستعرض افضل 5 لوحات في مهرجان تحرير مصر المقرر اقامته في يناير المقبل بمحطة مترو انور السادات.
واضافت: وستمنح مجموعة السوق الفنان الفائز لقب افضل رسام مصري باختيار الجمهور، ولكل فنان الحرية في استخدام خاماته، ويمكن رسم كاريكاتير يعبر عن المحاكمة، فيما يمكن الاشتراك كذلك بصور معالجة ببرنامج «الفوتوشوب» او لوحات ديجيتال.