حنان ترك لفتاة التحرير المسحولة:«ما تخجليش من صورتك»

وجهت الفنانة حنان ترك رسالة عبر صفحتها على الـ «فيسبوك» الى فتاة التحرير التي تم ضربها وسحلها بوحشية من قبل الجنود المصريين بقولها: «ما تخفيش انتي مستورة في عيوننا وقلوبنا ما تخجليش من صورتك، اللي اتعري مش جسمك صدقيني ما حدش ركز في جسمك، الكل ركز في الكلاب اللي اتلموا حواليكي، وقلوبنا قبل عيوننا ستراكي انت اشرف من رأتها عيني». وابدت حنان دهشتها من التفاصيل المتعلقة بالفيديو المنتشر والذي يخص فتاة التحرير قائلة: «يا ريت كلنا نشوف الفيديو ده ونشوف الراجل والست الكبار اللي ظهروا في الثانية 34 «الراجل لابس قميص ابيض والست لابسة بلوزة حمراء»، شوفوا العساكر والضباط عملوا فيهم ايه في الدقيقة الاولى والثانية 42، الراجل والست رجعوا لانقاذ البنت اللي بتنضرب فتم الهجوم عليهم وضربهم هما كمان ولم يشفع لهم سنهم او انهم مالهمش اي علاقة بالاحداث، الضرب بيحصل بوحشية تؤكد ان الجنود دول تم غسل دماغهم، مستحيل يكون اللي بيدربه بيقول له يضرب مصريين وظيفته حمايتهم وحماية ارضهم».