رواتب 4 أشهر للعاملين في القطاع النفطي

على شنو 4 رواتب؟هذى مو وظيفتهم بالاساس اللى ياخذون عليها رواتب خيالية ولا هم متفضلين على الكويت بالدوام؟ النفط ملك للكويتيين كلهم مو بس للنفطيين وعوايلهم خافو ربكم

سرقة أخرى لأموال الشعب.

السلام عليكم عشان لا يصير حسد والكل يبقق عينه ، الصحيح هو 4 راتب أساسيه وليست رواتب كامله. بالتوفيق للجميع

طبعا موظفين العقود ضاربينهم بالطوفه كأنهم لا يعملون للقطاع النفطي حرام عليكم نحن فئه مظلومه وحقوقنا مسلوبه ولا يوجد احد يطالب لنا بحقوقنا لا مزايا ولا مكأفات سنعه مثل باقي الناس ولا تأمين صحي ولا احقيه في العلاج في مستشفى الشركة ولا اي شي سوا الفتات تتفضلون علينا فيه خافو ربكم ياعالم

للأسف مطالبات العاملين في الشركات النفطية بالكويت لا تنتهي ..بالرغم من أنهم يتقاضون أعلى الرواتب والبونصات

يا جماعة هذا بكل دول عالم موظفي القطاع النفطي بنهاية السنة المالية ياخذون نسبة من الأرباح وهالشي على فكرة توا تطبق بالكويت من قبل جم سنة بس .. ولاهي سرقة ولا شي والمكافآة عبارة عن أربع رواتب أساسية مووو الراتب كله وعلى فكرة المفروض أكثر من أربع رواتب بس الحد الأقصى الي تقدر تعطينا اياه الشركة هو أربع رواتب أساسية فقط ..

كل قطاعات الدوله توزع ارباح على موظفينها .. ليش دايما العين عالبترول .. البترول اهو اساس اقتصاد البلد .. وموظفين الابرشين .. يشتغلون بعز الصيف وبعز الحر الحراره فوق ال50 وقانون العمال الدولي ما يشمل موظفين البترول الي يمنع الشغل والحراره تتجاوز ال 50 في مكان كله آلات خطره .. غير الغازات السامه وكافي الدوام شفتات .. وحياة اجتماعيه صفر .. وعين الحسود فيها الف عوود

راتب أساسي فقط, تري مو الراتب كامل...ههههههههههه

أخاف الأرباح انتم اللي جبتوها الله يخلي اسعار النفط المرتفعة وبالنسبة اللي يقول احنا دوامنا بالنفط شفتات وتعب ترى مافي مهنة متعبة مثل الاطباء اللي يداومون خفارات بالاضافة للدوام الرسمي ما انقول الا ان تعبنا ان شاء الله نلقاه بالأخرة

الرازق بالسماء و الحاسدون بالارض