لفت انتباه نشطاء على الـ «فيسبوك» وقوف احد الأشخاص خلف الشيخة ماجدة احدى مناصرات مبارك في صورتين لها أثناء تسجيلها مع قناتي «الجزيرة» و«أون تي في» وفي أوقات مختلفة. وعلى غرار ما حدث مع الرئيس السابق مبارك وصاحب قناة الفراعين توفيق عكاشة أطلق ظرفاء الـ «فيسبوك» العديد من التعليقات الساخرة خاصة على صفحة «القائمة السوداء للمشاهير الذين باعوا مصر واختاروا النظام». توقعت زيزي بدر ان يكون شمهورش قائلة: فعلا ملحوظة جامدة.. عايزين نعرف حقيقته ولا ده شمهورش زعيم الجن اللي بيعرفها الغيب؟
رجب عبده: ده واقف وراها في الصورتين.. تلاقيه معجب. وتساءل رامي فؤاد: في ضحكة ساخرة: ههههههههه.. صحيح ايه ده؟
وقال محمد الجارحي: الواد ده ملوش أهل يسألوا عليه؟ وأجاب خالد سليم: مش يمكن ابن اخوها وجاي يتفرج على عمتو وهيا بتتصور. وتعاطف معه رأفت الفيومي قائلا: متظلموش الراجل مش يمكن ده الصبي بتاعها ههههههههههه.
وقال ضاع الإنصاف: ده العفريت بتاعها ماشي وراها في كل حتة اشتاتا اشتوت ربنا يجعل كلامنا تقيييل عليهم ويطلع روحهم.