فيسبوك: «شعبولا» مطرب الفلول يغني للإخوان.. وأهوه كله مصلحة!

تنوعت اهتمامات المجموعات على صفحات الموقع الاجتماعي الـ «فيسبوك» مابين السياسة والطرافة وأخبار الفن، حيث برز الحديث عن حوادث سرقات البنوك وغيرها في ظل الثورة المصرية، وتعليقات طريفة عن اغنية الفنان المصري «شعبان عبد الرحيم» للاخوان المسلمين، وضبط ممثل «طاش ما طاش» متورطا اخلاقيا. فعلى صفحة «انا لازم اتغير» كتب القائمون على الصفحة: «سطو مسلح على سيارة نقل اموال بحلوان.. وسرقة 3 ملايين و250 الف جنيه.. وسطو مسلح على بنك h.s.b.c بالتجمع الخامس.. خطف موظف موبينيل نادي الشمس اثناء توريده ايرادات الفرع وطعنة وإلقائه في الشارع بعد سرقة النقود.. كل ده في وقت واحد.. لا في حاجه مش طبيعيه بتحصل». وتوالت ردود الافعال على هذا التعليق، اذ كتب تاكي الدين محمد يقول: «انا متأكد ان المجلس العسكري ورا الموضوع ده لكي يجبر الشعب على بقائه». أما غادة بدير، فقالت: «وفي عربية امانكو اتسرق منها 6 ملايين في حلوان في نفس الوقت تقريبا». وضمن ذات السياق، وعلى صفحة «جيل التغيير»، كتب القائمون عليها: «سطو مسلح على مكتب بريد حلون وسرقه 150 ألف جنيه.. يلا بجد بأه نشوفلنا بنك او اي حاجة قبل ما يخلصوا الفلوس وأهي فرصه المجلس العسكري بيشجع السرقة مش هنلاقي فرصه زي دي تاني». فردت ايمان البرماوي:» ايه الصدفة الغريبة دي جات للعصابات بسرقة البنوك فجأة كده.. ده ما حصلش ايام هروب المساجين ولا ده شغل امن دولة». وكتبت موني قاسم: «احنا مانسرقش بلدنا احنا نعمرها والدليل يوم جمعه الغضب لما مول اركاديا اتسرق اهالي بولاق راحو رجعوا كل حاجه لأصحاب المحلات، اهالي بولاق اللي بيتقال عليهم بلطجيه بيسرقوا ويضربو الثوار». وفيما يتعلق بموضوع اعتقال الناشط السياسي الشاب احمد دومة، وتضارب الانباء عن مكان اعتقاله ووضعه الصحي، كتب القائمون على الصفحة: «مصلحة السجون بتقول دومة في سجن طنطا وسجن طنطا بيقول رحلناه طره، تقدم المحامون ببلاغ يتهم الداخلية باخفائه قسريا، فين دومة يا داخلية.. فين دومة يا شرطه عسكرية.. فين دومة يا مجلس يالي مشيركوا لغى الطوارئ.. الحرية لأحمد دومة».وكتب احد المشاركين: «ربنا يستر وما يكونش مات من التعذيب سترك يارب». فرد عليه محمود الشريف: «مش ده اللي كان يضرب عربيات الجيش ناس تافهة بتعملوا منهم ابطال». أما صفحة «مصر بوك» فقد تميزت بطرافة الطرح الساخر، اذ عرضت صورة لمقدم احد البرامج التلفزيونية «توفيق عكاشة»، متواجدا في مطعم كنتاكي، وكتبت تعليقا عليها: «توفيق عكاشة في كنتاكي غالبا كان بيسأل على وجبات بط هناك، مين فينا بتاع الكنتاكي دلوقتي يا تيفة؟». وكان الرد على الصورة التي تم نشرها بالمئات، فعلق عمرو حسن: «ايه لبس المخبرين ده يا عكشة». وشارك سالم عوض بقوله: «يا جماعة انا ضد هذا الراجل في كل شيء بس أتمنى يكون نقدنا نقدا فكريا وسياسيا وليس نقدا شخصيا، والا لن يكون هناك فارق بيننا وبينه وللجميع وافر الاحترام». وفي مشاركة اخرى للقائمين على ذات الصفحة، تعلقت بالفنان المصري شعبان عبد الرحيم، المعروف بشعبولا، وأغنيته لجماعة الاخوان المسلمين في مصر، كتب احدهم: شعبولا مطرب الفلول.. اصبح الآن مطرب الاخوان، واهوه كله مصلحة، دي احدث اغاني شعبولا: يا مهاجم الاخوان.. ها تروح من ربك فين ملقوش في الورد عيب.. قالوا احمر الخدين لو قلنا تضحيات محدش أدهم.. من سجن لاعتقالات ومصادرة لحقهم لو قلنا تضحيات محدش ادهم.. من سجن لاعتقالات ومصادرة لحقهم.. واييييه في ناس بيخونوهم وخلاص ما فيش امل.. نسيت يا شعب مصر يوم موقعة الجمل.. وايييييه اخوان ومناضلين يجي من 80 سنة.. ولا عشان مسلمين يبقي اهاجمهم انا.. وايييييه بيقولوا منظمين والخبرة عندهم.. لو فيكم حد فالح كان يعمل زيهم كان يعمل زيهم.. وايييه. وتواردت الردود الساخرة والناقدة، فشاركت لفلي آنجل، بقولها: «هههه هتروح من ربك فين؟؟ ليه هو استغفر الله يعني بيهاجم منزل؟ ايه زمن التقديس دا حتى انت يا شعبولا». وكتبت رقية عسكر: «طيب ما تعمل انت زيهم بس عندي شك اكيد انك لا تعرف حاجة عنهم.. وايييييه».