كواليس

زرع   مخرج «حس» انه ربعه راح يقزرونها عليه بعد الأخطاء اللي سواها في إخراج عمله الأخير، صاحبنا قطع تذكرته وراح لدولة آسيوية علشان يزرع شعر.. الشرهة على اللي يابك! أوضاع ممثل معتقد ان مستواه «عالي» في التمثيل هالأيام حاطله چم صورة بالفيس بوك بأوضاع مختلفة علشان يجذب المعجبين والمعجبات لصفحته.. الله يرحم أيام زمان! حب ممثلة ومنتجة عايشة قصة حب مع مدير إنتاج لدرجة انها تغار عليه اذا شافته واقف مع اي ممثلة ويا ويله ويا سواد ليله اذا ما رد على اتصالاتها.. الحب على كبر مشكلة!