بشار جاسمانسحابات عديدة حصلت في مسرحيات الطفل التي تعرض حاليا في عيد الاضحى المبارك وانضمام العديد من الممثلين في مسرحيات اخرى، وسد الفراغ او الممثل البديل في بعض المسرحيات.
فقد انسحب من مسرحية «ناصر ومنصور» المذيع نواف القطان وكان البديل له الفنان فيصل دشتي الذي انسحب هو الآخر من مسرحية «الابطال الستة» وخروج اغلب الممثلين منها مثل المذيع مشعل الجاسر ونواف القريشي وهاشم مرزوق.
«الأنباء» هاتفت المذيع نواف القطان لمعرفة اسباب انسحابه حيث قال: انسحابي من مسرحية «ناصر ومنصور» بسبب سفري للإمارات مع الاهل وعندي شغل معين.
بس انت عندك التـــزام مع المسرحية.اولا المنتج حسن بوشهري ما كان ناوي يعيد عرض المسرحية في عيد الاضحى، وانا قايله اني راح اسافر للإمارات يعني عنده خبر في هالشي، وانا الحمد لله ملتزم في المواعيد وعمري ما طنشت، لكن الموضوع انا مو مسؤول عنه كلش.
ودورك خذاه فيصل دشتي ولاّ غيره؟اي دوري خذاه فيصل دشتي وانا كنت متوقعا ان الدور يروح حق عبدالعزيز الاسود، وعموما فيصل عليه بالعافية والمخرج له وجهة نظر واهو اللي يحدد من ياخذ الدور بس اللي اعرفه انه خذه دوري آنا.
وشنو الشغل اللي عندك بالإمارات برنامج أو...؟لأ، مو برنامج مثل ما قلت لك انا رايح مع الاهل ومنها شغل يعني زلقه بطيحه وعندي اتفاق على فيلم سينمائي اماراتي ضخم من ناحية النص والاخراج والتصوير السينمائي، واحط 10 خطوط تحت التصوير السينمائي، لأن احنا بالكويت نفتقد حق التصوير السينمائي وراح يكون بالفيلم نجوم من قطر والامارات انا من الكويت وهذا الفيلم قبلته بعد رفض العديد من العروض.
وشنو العروض اللي رفضتها؟انا رفضت المشاركة في فيلم «اعلان حالة حب» لأن ما صار بيننا اتفاق.
شنو الاتفاق اللي تم؟اولا النص ما كان جاهز وما يصير اوقع على عقد دون لا اقرأ النص، وثانيا ما اتفقت معاهم من الناحية المادية وهم عرضوا علي الكاتب حمد بدر بطولة فيلم «كيوت» مع اللبنانية ساندرا وكنت شبه متفق، لكن النص ما كان جاهز ورفضت المشاركة والدور راح حق الممثل عبدالله بهمن.
تفاصيل الحوار في ملف ( pdf )