منتج فيلم حلاوة روح لمنتقديه: ناس مش بتتقي ربنا

وجه محمد السبكي، منتج فيلم «حلاوة روح»،  كلامه لكل من إنتقدوا الفيلم وشنوا هجوما على عرضه قائلا "يشوفوه وبعدين يحكموا هل هو يخدش الحياء العام أم لا"موضحا بأن الولد الصغير مش بيعمل حاجة وحشة، لكن الناس بتحاول تطبل وخلاص".وأضاف "السبكي" بمداخلة هاتفية لبرنامج «باختصار» مع الدكتور معتز عبدالفتاح، على قناة «المحور»، مساء الأربعاء "دي ناس لا تتقي ربنا لأنها لم تر الفيلم، والواد الصغير دوره كويس، أنا فخور بالفيلم ده، وشوفوا الفيلم بعينكم وبعدين احكموا عليه".وعلق السبكى على قرار وقف عرض فيلمه من جانب المهندس إبراهيم محلب رئيس مجلس الوزراء قائلا"أنا لم يصلني أى جواب أو قرار بخصوص ما أصدره المهندس إبراهيم محلب مضيفا "الناس الكذابة طلعت شائعات بخصوص وقف البرنامج بالإمارات وده محصلش لأنه اتعرض النهارده هناك، والبلد الوحيدة التي لم يعرض فيها قطر".وأوضح أن «حلاوة روح لا يخدش الحياء العام، والولد الصغير مش بيعمل حاجة وحشة، لكن الناس بتحاول تطبل وخلاص».