في أول تعليق للفنانة المصرية زينة، على قرار محكمة الأسرة، برفض الأمر الوقتي المقام من الفنان أحمد عز والذي طالب فيه بمنع توأمها عزالدين وزين الدين، من السفر للخارج ووضعهما على قوائم الممنوعين من السفر، قالت: «يعني لا طلبت تشوفهم، والحمد لله طبعا دي نعمة، وعاوز تمنعنا من السفر».
وأضافت زينة عبر صفحتها الشخصية بـ «إنستغرام»: «ما تسيبنا في حالنا وخليك في اللي أنت فيه، كفياك شر بقى وانعدام...، ولا بلاش مش هغلط فيك علشان ولادك»، مكملة: «كفاية أذى في طفلين كل ذنبهم إنك أبوهم، ولو إنك كنت فرحان أول ما عرفت إن هايجيلك ولاد، يا ريتك كنت واضح وكنت قلت انك هاتعمل فينا كده ليه كذبت من الأول، بطل تأذينا وخليك في فنك وأفلامك ومعجباتك اللي أنت عارفهم، ودنيتك يا فنان يا موهوب يا للي بتخر موهبة، وسيبني أفضى من المحاكم علشان أربيلك ولادك الحلوين أوي».
يذكر ان معتز الدكر محامي زينة، قال إن المحكمة رفضت الدعوى لأنها مقامة على غير سند من القانون وأن أحمد عز لم يتقدم للمحكمة بطلب رؤية توأمه لكي يحق له منعهما من السفر لذا رفضت المحكمة طلب عز.