شاركـــــت الفنانة السورية تولين البكري، جمهورها رسالة تضامن مع الفنان سيف الدين السباعي بعنوان «لا تعتزل يا سيف».
ونشرت تولين رسالتها عبر حسابها الرسمي على «إنستغرام»، وكتبت: «أنا معك بأنك تاخد وقفة محارب قرر يرتاح ليبدأ من جديد بمعطيات أفضل، وأنا كمان فكرت كتير بالاعتزال في ظل هالظروف الغلط يلي ما بدي فوت بتفاصيلها، المهنة صارت بهالبلد زبالة بس ما عندي حل تاني حاليـــا! وأول ما أقدر أمن لقمة عيش من غير هالمهنــة رح اتركها بغير أسف».
وأضافت، متحدثة عن مهنة التمثيل: «دارت ضهرا للناس يلي بتحبها وبتستحقها ولحقت الرخص بكل شي مثل ما كتير مواهب من خريجين وأكاديميين ونجوم قاعدين بالبيت من سنين، وغيرهم من الفقاعات عم يشتغلوا بس مو ليقدموا فن، ليقدموا كل شي إلا الفن، وهاد الحكي ما بيشمل الكل، بس المنيح ما بيخبي حاله مثل السيئ كمان واضح للعيان، وإذا أنت وغيرك من الفنانين الحقيقيين قرروا يعتزلوا لمين تركتوا الساحة؟».
وختمت: «هاد واقع ما عاد يتخبى، ولكن، الفن الحقيقي بحاجة لموهوبين حقيقيين متلك، مو بالضرورة كون من التيم تبعك لأمدحك، أنا مع الصح بكل الأحوال وبحب شغلك متل كتير ناس وانت من الناس يلي قدموا فن حقيقي بهالبلد ترفع له القبعة».