Note: English translation is not 100% accurate
بدون قيـود
23 أكتوبر 2013
المصدر : الأنباء
الشاعر محمد الشويب
أقسى السجون الي بدون قيود
وأقسى الدموع الي على اهدابي
البارحه.. يا حزني المشهود
غصيت في لومي وف عتابي
كم مره اطرق بابك الموصود
وكم مره انتظرك على بابي؟
اصير لك حاضر.. ومو موجود
وما ينفع حضوري ولا غيابي
ظروفي وغرامك الموعود
تشبه ملامح وجه الاعرابي
انتي فقدتيني؟ انا المفقود
من يوم (احبك) ما ضحك نابي
يا قلبي المستخدم.. المهدود
الى متى يا قلبي تحابي؟
مابي غلا.. ي ام العيون السود
مابي سهر مابي حزن مابي..