يشتكيني

ظلال bd334@ يشتكيني للزعل واشكي عليه شوقي اللي في غيابه ماهدا لي خفوقٍ كل ما ابعد يجيه صادقٍ في حبه لآخر مدى كل ماصديت نادا الشوق هيه لا يضيع الحب بعيونك سدا أجمعيه ودثريه وزمليه ما أسامح خافقك كأنه غدا من رحيق الورد هاتي واطعميه وان عطش اسقيه من قطر الندى وكل دربٍ للحزن لا تسلكيه دام نبضك جنب نبضه يسعدا ان بغيتي فوق بالجو ارسميه طاير حرٍ على وكره بدا الظروف تصدني وارجع عليه صوت نبضي بالحنايا له صدى والحنان اللي ربى فيه وعليه في غيابه بأعذب ألحانه شدا كيف انا اشكيه ليه واشتكيه دام هو كل الخبر والمبتدا